Латофат Ибрагимова
КАФАН ВА ШУСТАНИ МАЙИТ...
Ҳамеша мехостам, ки тарзи пора кардани кафанро омӯзам ва чӣ гуна маӣитро мешӯянд бидонам. Шабе, ки холаам охирин дидор бо кулбаи вайронааш дошту меҳмони рӯзи охирини хонаи худ буд, яке аз муйсафеди (миёнаумр буд) ҳамсояааш омаду қаду қомати ӯро бо сони сафед чен карду ба хонаи дигар гузашт ва тарзи пора кардани кафанро ба пуррагӣ фаҳмонид. Аниқтараш худаш пора карду, таъкид кард, ки омӯзед, ёд гиред. Ҳар фарди мусалмон дар байни авлоди худ, хешу табори худ бояд инро бидонад. Ва 3 дастпушакҳоро, ки барои шустани мурда буд, худаш пора карду ба ману холаам омӯзониду ман бо кукҳои майда онҳоро хуб духтам. Инҷо фаҳмидам, ки танҳо дастпушакҳо барои шустан дӯхта мешаваду халос. Боқимондаи кафан, ки (барои занон) иборат аз ду чодару курта, тагпушҳои зан, рӯймол, пешбандакҳо барои шустан дӯхта намешаванд.
Ва баъдан таъкид кард, ки мурдашуй низ ай байни худатон бошад боз хубтар аст. Ҳамин қадар фикр карданд, касе дар байни авлод пайдо нашуд. Ростӣ хешу табори пиронсоламон, ки ҳамеша ба ин кор сару кор доштанд хеле зиёд буданд, вале оҳиста оҳиста пайи ҳам рафтанд ба дунёи хомӯшон. Ва ҳамагӣ қариб сину солашон ҷавонтарҳо мондаанд. Ва хеле фикр кардаму ғамгин шудам ва ба он мӯйсафед савол додам, чаро маҳз калонсолҳо бояд мурдаро шуяд. Дар ҷавоб гуфт, ин фикр хато аст, чӣ ҷавон чӣ пир фарқ надорад, ҳар касе ҷуръат дорад шуштан мегирад. Чун солҳои пеш одат буду ҳамеша калонсолон мешустанду ҷавонон ҳарос доштанд, аз ин рӯ одат шуду рафт. Шукри Худо холаҳом бисёриянд. Ва дидам, ки касе ҷуръати пешсафӣ накардаистодааст. Ва хуб фикр кардаму гуфтам, ман мешӯям. Вале касе бояд бори аввал рафти шустанро ба ман хуб фаҳмонад. Як холаву ду тағои очаам дар ноҳияи Фархор зиндагӣ мекунанд. Онҳоро ҳам ба ҷаноза хабар карда буданд. Яке аз холаҳоям зуд гуфт, ки холаи Садбарг бисёр шуштааст хуб медонад, лекин то куҷо зуру қувваташ мерасад номаълум. Вақте ки омад агар худаш ба кала гираду шуяд хуб, агар не ба ту мефаҳмонад ту мешуӣ. Ман розӣ шудам. Ва омадани ӯро то субҳ интизор шудем. Субҳи хеле барвақти 5- уми июн омаданд. Он ду тағоии очаам бе хоҳарашон ҳеҷ тую маъракаи хешу табор ҳаргиз нарафтаанду намераванд. (Бародариву хоҳарӣ ба онҳо ҳалол бошад, беҳад муомилаи хуб доранду он ду бародар ҳурмати хоҳарро ба дараҷаи олӣ иҷро мекунанду ҳамеша дар зиндагияш кумакаш мекунанд). Ва холаи очаам омаду очаи ман духтари калони оилаашон, яъне апаи калони ҳамаашон, ки аст ба холааш ҳолати корро гуфт. Ва ӯ гуфт, ки қуввати пештарам дигар нест, инчунин каме беморам, агар апаву хоҳаротон касе бошад мефаҳмонам худатон шуштан мегиреду худам ҳам кӯмак мекунам. Ҳамин замон яке аз хоҳарони очам (холаам) гуфт, ки Латофат мешуяд. Ва холаи очам маро пешаш файрод карду бо лафзи кампирӣ чанд саволе дод: Бачам дилат мекашад? Тарсу ҳарос надорӣ? Нашавад, ки вақти шуштан тарсиву рад кунӣ? Гуфтам не наметарсам, бале мешӯям. Ростӣ худам ҳам хеле боз мехостам, ки бояд омӯзам. Ва холаи очаам омадан замон хеле гиряву нола карду тахминан соати 05:55- и субҳ ба шустан шурӯъ кардем. Як холаам обгармкуну обёр шуданд, як холаи дигараму як духтари худаш, яъне холаи Худораҳматиям такягиру духтари амаи очаам, ки қудои холаи Худораҳматиям буданд, обрез шуданду бо кӯмаки ҳамон холаи очаам ман бадани як пойдоштаи холаамро😭😭😭 ба шустан шурӯъ кардам. (Чилики калони пойи чапу, як бари аз зону поёни почаи росташро низ 3 сол пеш ва аз зону поёни пойи росташро пурра ду сол пеш бо сабаби бемории қанд бурида дар ҳамон ҷое, ки ҳоло қабрашро кандаанд, бурда гӯр карда буданд, як чашмаш низ бо сабаби қанд доштанаш ба пуррагӣ барои ӯмрбод кӯр шудаву як чашми дигараш низ ки кӯр шуда буд, барои ҷарроҳӣ имкон буд рӯзи 8- уми майи соли 2024 дар клиникаи Асан ҷарроҳӣ карда будем, баъди ҷароҳӣ каму беш чашмаш дида буд ва аз ин хеле хурсанд шуда буд, ба худаш нагуфта будем, ки як чашмаш дигар ҳаргиз дида наметавонад. Ҳамроҳаш барои ҷарроҳии чашм дар Асан ману тағоям якҷо будем). Худи ҳамон холаи очаам ҳам кам кам ҷойҳои баданро шустан гирифту фаҳмондан гирифт. Хулоса холаамро пурра бо ҳама қоидаҳочш, ки холаи очаам фашмонд шуштам. Дар болои қолини хона кафанро як як ҷо ба ҷо гузоштан гирифтанд. Аввалан ду чодарро болои ҳам гузоштанду куртаи онро, ки пешаш дарозу пушташ кӯтоҳ буду бо даҳони чок (ҷойи каларо дохтан) болои он паҳн карданд. Ва холаамро, ки хеле вазнин шуда буд, бо кумаки як писарашу тағояму (баъди шустан писару додарашро файрод карданд, ки кӯмак кунад) ҳамагимон болои он гузоштем. Дар авал тагпушҳои онро ба бадани яхшудаи холаам пӯшонда, баъдан куртаашро ҳам хуб пӯшондаву румолашро дар сараш мисли кудаки навзод хуб печондаву куртаашро ҳам пурраву дуруст пушондем. Ва дар охир бо он ду чодар холаамро пурра махкам кардему бори охир ҳамагӣ бо ӯ хайрбод кардем.😭😭😭 Писари хурдияш, ки дар Русия буд, тариқи вотсап бо модараш талху зор гириста хайрбод кард. Бисёр ҳолати талху вазнине буд, ки маро иҳота карда буд. Вале бо як азоб худро доштаму корро то охир анҷом додам. Ва дар охир холаи очам, ҳамагӣ "хеле духтари боғайрату ба дилу гурда будай" гуфта аҳсан гуфтанд. Ман қарзи холадориро иҷро кардаму ҳеҷ кори мушкиле накардам гуфта ҷавобашон додам. Он қадар кори мушкиле нест, танҳо камтар ҷуръат лозим аст, халос. Вале агар майит одами наздикат бошад, ин кори саҳле нест, чунки баробари шустан ҷигарам месухту хеле афсус мехурдам, ки охир хеле ҷавон буду дар ҳаёт азоби зиёд дида буд.
Холаам пашаро ҳатто озор намедод. Ӯ маро ҳамеша бо як садои маҳину дилкаш Латооооф садо мекард, ки он садо ҳамеша дар гӯши ман дигар боқӣ мемонад. Бо он ҳама зиндагии фақиронааш хеле бамеҳру меҳмондустдор буд. Ҳамеша чашмаш ба роҳи меҳмон зор буду муштоқи дидори одам буд, ки нишинаду ба гуфти худаш чақ-чақ кунад. Зиндагии фақирона дошт, 4-5 соли охир дар беморхонаҳои Балҷувони Данғараву Душанбе шабу рӯзашро гузаронида буду гуфти худаш аз оби беморхонаҳо чой менӯшид. Розгушкуну хоҳари дӯстдори очам буд. Холаам, ки зиндагии фақирона дошт, фикру хаёли очам ҳамеша ба ҳамин хоҳараш буд. Ҳамеша кумакаш мекард. Очаамро очаву атаи маро на язна, балки ата мегуфт. Чунки падарам низ уро хеле дӯст медошту ҳамеша дар ҳама кораш аз атаи ман маслиҳат мепурсид. Ин буд, ки атам низ дар болои тобуташ зор зор гирист. Дирӯз баъди ба хок супурдандани холам, ҳангоми ба Душанбе баргаштанамон ду духтараш, ки хеле ҷавонанд миёни падарамро сахт доштаву хеле гиряи талх карданду аз атам хоҳиш карданд, ки язнаҷон баъди очам рафтан мабодо боз моро напартоеду меҳратонро аз мову хонаи мо канда накунед. 😭😭😭😭
Рӯзгори талхе, ки холаи 51 солаи ман- Файзигул дар ин умри кутоҳаш дошт, Худо ба душмани одамӣ ҳатто ҳаргиз нишон надиҳад. (Қиссаи умри кӯтоҳи азобдидааш як китоб мешавад) Модараш низ (момаи модариям) дар синни хеле ҷавон 56- солагӣ бо сабаби бемории саратони меъда аз дунё гузашта буданд.
Ҳамин тавр холаамро, ки дар дил ҳазору як умеду орзуҳо дошт, (ду духтарашро хонадор карда буду ду бачааш ҳоло оиладор нашуда буданду ҳамеша орзу дошт, ки бачаи калонашро туй кунаду келинашро бо чашми ҷарроҳишудааш хуб бубинад баъдан дар дилаш армон намемонад) ва бо бадани афгору азобдида дар мазори Хуҷачилони болои деҳаи Мулкон дар поёни қабри падараш (бобоям) соатҳои 9-и саҳари рӯзи 5- уми июни соли равон ба хоки хунук супурданд...😭😭😭😢😢😢😢
Баъди холаи беозорамро дар хок супурдан ҳатто ҳавои офтоби нохост ба борон табдил ёфт. Гуё осмон ҳам барояш мегирист.😭😭😭
Хонаи охиратат ҷаннати ҷовидон бошаду аз оби ҳавзи кавсар сероб гардиву ҳамнишин бо паёмбарон бошӣ, холаи азобдидаам, холаи Файзигул. 🤲🤲😭😭😭