"Сидели" Батыревский муниципальный округ "Чувашия"

Пусть детство звонкое смеется...

Ачасем пуртан тӗнче хаваслӑ! Ачалăх … Чăннипех хаваслă та илемлĕ самант. Ачалăхра эпир нихçанхинчен телейлĕ те савăнăçлă. Ачасем - чи таса та çутă туйăмлăскерсем яланах ырă кăмăл парнелеççĕ.   🌈Кашни çулах çĕртме уйăхĕн 1-мĕшĕнче çак тĕпренчĕксене хисеплесе, вĕсен пурнăçĕ хаваслӑ пултӑр тесе Ачасене хÿтĕлемелли кунне паллă тăваççĕ. Сител ялĕнчи культура ĕçченĕсем çак уяв ячӗпе «Ачасем пуртан тӗнче хаваслӑ» мероприяти ирттерчĕç. Оксана Хомуткина библиотекарьпа Ирина Лякова культорганизатор ачасене уяв ячĕпе саламласа телейлĕ кунсем, савăнăçлă самантсем сунчĕç. Ятарласа мероприятине ҫитме вӑхӑт тупнӑ мулкачшӑн пурте хавас пулчӗҫ. Унпа вӗсем тӗрлӗ ташӑ ташларӗҫ. 📚Вулавӑш ӗҫченӗ уява килме кӑмӑл тунӑскерсене ятарласа хатӗрленӗ кӗнеке куравӗпе паллаштарчӗ. Ачасене ҫуллахи каникул вӑхӑтенче хӑйсене еплерех тытмаллине, библиотекана ҫӳреме манмалла маррине каласа кӑтартрӗ.   👯‍♂️Ҫавӑн пекех уявра пӗчӗк тусӑмӑрсем тӗрлӗ вӑйӑсенче тупӑшрӗҫ. Унтан хаваспах тĕрлĕ хусканусем турӗҫ. Уйрӑмах пурне те "Твистер" ятли кӑмӑла кайрӗ. Ӑна чунӗсем каничченех вылярӗҫ.   🎨 Ачасен уявĕнче шăпăрлансем савӑнӑҫлӑ ӳкерчӗксем ӳкерсе киленчӗҫ. Унта вӗсем ачалӑха, туслӑха сӑнларӗҫ. Вĕсем витĕр хăйсем пурнăçа еплерех курнине кăтартса пачĕç.   Ачасене халалланӑ мероприяти культура ĕçченĕсем тӑрӑшнипе ҫӳллӗ шайра иртрӗ, пуян содержаниллӗ пулчӗ.

Вот и прозвенел последний звонок🎊

⚡КРАСОТА вокруг нас! Порою надо всего лишь остановиться, чтобы увидеть окружающую нас красоту...

Ялти сӑваплӑ вырӑна тирпей-илем кӳчӗҫ Ҫулсерен упранса пыракан йӑлана малалла тӑсса Сителте паян черетлӗ субботника пуҫтарӑнчӗҫ. Ял старости Юрий Степанов йӗркелесе, ертсе пынипе масар ҫинче, ҫавӑн пекех ун тулашӗнчи лапама тасатса тирпейлерӗҫ. Тӑрӑшса ӗҫлекенсем иртнӗ ҫулхи ҫӳп-ҫапа пуҫтарчӗҫ, хӑрӑк туратсенчен тасатрӗҫ. Хӑй тӗллӗн ӳсекен хунавсене касса тирпейлерӗҫ. Паянхи сӑваплӑ ӗҫе те нумайӑн ырласа масар ҫине кашни килтенех тухрӗҫ. Инҫетре пурӑнакансем те айккинче тӑрса юлмарӗҫ. Масар тирпейлеме инҫетри ял-хуларан килсе субботника хутшӑнма кӑмӑл турӗҫ. Пӗр ҫемьери пек вӑй хунишӗн, ялшӑн чунтан тӑрӑшнишӗн Юрий Степанов староста пурне те тав турӗ. Пӗрле килӗштерсе ӗҫленирен хакли нимӗн те ҫук. Ун чухне ҫеҫ тивӗҫлӗ кӑтартусем пулаҫҫӗ терӗ вӑл.

Кукамай тата эпӗ спортпа питӗ туслӑ!   ⚡Ҫемье – кашни ҫын пурнӑҫӗнче чи  хисеплӗ те пӗлтерӗшлӗ вырӑн йышӑнать. Шӑпах ҫемьерен эпир юратăва, яваплӑха, ӗҫе, хисепе вӗренетпӗр.    Раҫҫейри Ҫемье çулталӑкне тата Пӗтӗм Тӗнчери Ҫемье кунне халалласа Сителте культура ӗҫченӗсем "Кукамай тата эпӗ спортпа питӗ туслӑ!" спорт уявӗ ирттерчӗҫ.  Мероприятине ҫемье ушкӑнӗсен ӑмӑртӑвӗ майлӑ йӗркелерӗҫ. Унӑн тӗллевӗсем: ҫемье хутшӑнӑвӗсенче лайӑх опыт йӗркелесси, пӗрлехи пултарулӑх ӗҫ-хӗлӗ патне туртӑнасси, ачасемпе ҫитӗннисем пĕр-пĕрне ӑнланасси, пӗр-пӗрне пулӑшасси, ҫемьери хутшӑнусене ҫирӗплетсси пулса тӑчӗҫ.   ⚡Питӗ кӑсӑклӑ, савӑнӑҫлӑ иртрӗ уяв. Кукамайсемпе мӑнукӗсем тӗрлӗ тупӑшура хутшӑнса хӑйсем хастар,  хӑюллӑ, вашаватлӑ пулнине ҫирӗплетсе пачӗҫ. Уяв пурне те ҫутӑ туйӑм, савăк кӑмӑл парнелерӗ. Пухӑннисене малашне те ҫакӑн йышши конкурссене хутшӑнма хавхалантарчӗ.

Миршӑн кар тӑрасчӗ яланах! Тăватă çул кĕрлерĕ вăрçă шавĕ Вутра çунан Европа çийĕпе. Тăван çĕршыв салтакĕсен мухтавĕ Çĕкленчĕ çав вутри çĕнтерÿпе. 🎈Тăван çĕршывăн Аслă вăрçи чаплă çĕнтерÿпе вĕçленнĕренпе 79 çул çитрĕ. Хаяр вăрçă тăватă çул кĕрлерĕ. Кашни ял-хулари евĕрех Сител ялĕнче те çак уява манса хăвармарĕç. Майăн 9-мĕшĕнче культура ĕçченĕсем тăван çĕршывăн Аслă вăрçинче пуçĕсене хунă ентешĕмĕрсене асăнса лартнă палăк умне пуҫтарӑнчӗҫ. Ҫӗнтерӳ кунӗ ячӗпе унта митинг иртрӗ. Оксана Хомуткинапа Ирина Лякова çак паттӑрсене пурне те ятран аса илчĕç, вĕсемпе тата ытти салтаксемпе мăнаçланса сăвăсем вуларĕç. Унтан çак тата ытти миллионшар вăрçăран таврăнайман хÿтĕлевçĕсене пĕр минут шăп тăрса чыс турĕç. Первомайски территори пайӗн ертӳҫи Леонид Пыркин, Патӑрьел муниципалитет округӗн депутачӗсем Александр Ивановпа Владимир Федоров Аслă Çĕнтерÿ кунĕ ячĕпе салам сăмахĕсем каларĕҫ. Яланах мирлĕ пурнăç пултăр тесе сунчĕҫ. Вăрçăран тăван ялăн таса та уçă сывлăшĕпе каялла таврăнса сывлайман паттăрсене чыс туса палăк умне венок хучĕҫ. 🎈Халăха Çĕнтерÿ парнеленишĕн, савăнăç, ырлăх туллишĕн, телейшĕн, тĕнчери, тÿпери сар хĕвелшĕн тав сире, ҫӗнтерӗве ҫывхартнӑ пур салтаксем, ветерансем, тыл ӗҫченӗсем! Мирлĕ куншăн, кун лăпкă çутишĕн, пурнăçа вилĕмрен хăтарнишĕн тав сире! Тавах сире, Ҫӗнтерӳшӗн.

С Днем Победы! /Аня Тукмакова/

Пурне те, уяв ячӗпе! Сителсем кӑҫал Ҫӗнтерӳ кунӗнче пӗрремӗш хут кӗтӳ хӑваларӗҫ. Ӗнесем ҫӑвӗпе лӑпкӑ ҫӳреччӗр. Кӗтӳҫсене кӗтмешкӗн канлӗ пултӑр!☺️😉☺️