Группа любителей творчества Сапара Узденова

1839-1184
Къыбладан урадыла джелле.
Сабийле ойнайла орамда.
Кёгере, къайда да, чегетле.
Чакъдыла алгъынча джанкъозла.
Тюлме мен, ала бла, энди шох.
Энди мен, сюйеме чакъчакъны.
Тюненем, къайда эсе да, джокъ,
Бир къызчыкъ бузгъанед араны.
Мен анга, алгъын, сабийликде,
Джанкъозла этген эдим саугъа.
Игилик, джарашмайд, телиге.
Саугъамы тёкген эди къаргъа.
Энди мен, сюйеме чакъчакъны,
Аланы, сюйеди да башха.
Чакъчакъны, алдады, чагъары.
Сау джетдирчи,Аллахым,джайгъа.
Кёгере, къайда да, чегетле.
Чакъдыла алгъынча джанкъозла.
Не келсин, ышармайла кёзле,
Сыларгъа излемейле къолла.
15.03.1992. Эр Ёзден.

1838-1183
Джаз, мени, къойса эди къозумай.
Бол менлей, уша дейди, манга.
Муратынг къалса сени толумай,
Ушаргъа боламыды джазгъа.
Муратынг къалса сени толумай,
Эй, джылыу берирми оджагъынг.
Нюр тёксюн, не тёкмесин, толу ай.
Аджайыу болады къонагъынг.
Нюр тёксюн, не тёкмесин, толу ай.
Батышдан чыкъса да кюн кеси,
Айтаса, къалгъа эдим деб туумай,
Сагъышдан къачалмайса кери.
Айтаса, къалгъа эдим деб туумай.
Кишиге, айталмайса, ични.
Боласа тургъанча джанны джуумай,
Джюрегинг болгъанча бир кирли.
Боласа тургъанча джанны джуумай.
Дунияны кёресе тубанлы.
Муратынг къалса сени толумай,
Кечинмек – ичиди Къуранны.
Муратынг къалса сени толумай,
Ушаргъа боламыды джазгъа.
Джаз, мени, къойса эди къоз

1836-1181
Къатымда турады бир мелтек.
Турмушун айтады юйюню.
Къатынын этгенди бу мёлек,
Кесин да, хауле элге, юлгю.
Бийчесин таныйма, мен, аны,
Ол бетин да билмейди джууа.
Чирирге, джетгенди, хар саны.
Тюшюнде да тиймейди суугъа.
Ол билген - ушакъ эмда ашау.
Ол билген - кюзгю эм къобузу.
Аллайны, юркютмейди джашау.
Мен, мунга, сейирме бек уллу.
Намысха салынмайды къулакъ,
Экиси да, бирча,- зынгырбай.
Тау джорукъ узакъды, ой, узакъ,
Бирси гёдю,бири да чагъырбай.
Юй турмуш, къалайды, былада.
Айтыргъа да бармайды тилим.
Быллайны, кёрмезсе къыблада,
Шималны тинтсенг да этегин.
Эй малгъун, аурутма башымы.
Алдауну, сен айт, алдауукъгъа.
Терк джалла, ой бузма халымы.
Бир джеринг ушамайд тау