Түбәнге Ләкәнде- Нижние Леканды

Улым кабере янында. Исәнме, улым, көтәсеңме мине? Озак килә алмадым яныңа. Бигрәк озын булды быел кышлар, Явып торды һәрчак кары да. Туңмадыңмы, балам? Ак карлардан Сорадыңмы мамык юрганнар? Әле миндә җанны җылытырга Өмет дигән соңгы юрган бар... ...Синсез генә яңа елга кердек, Үтеп китте февраль, мартлары. Бәйрәм саен күңел сине көтте, Кайтыр юлны, ахры,тапмадың... Сагындырып килгән җылы язлар, Йөрәк яраларын яңартты. Кабереңне җылытырга теләп Юмарт кояш нурын таратты... ...Йортыбызда бар да элеккечә, Синең генә җитми сулышың, Әрнү-сагышларым эчкә йотып Каршы алам кояш баешын... Сау бул, улым, тыныч йокла инде, Әниеңә, берүк, рә