Новые темы

    Астраханскую область в Москве на ВДНХ представили Ногайцы! Мы в Москве!!!😍❤ 9 июня 2024 года работники центра ЕДИНЕНИЕ" с. ДЖАНАЙ Астраханской области представили Ногайскую культуру на ВДНХ в Москве.🥰 Для гостей были проведены мастер классы по изготовлению май боьреков, по танцам, по национальным играм. На площадке звучала наша любимая гармошка. Желающие могли одеть ногайские костюмы и сфотографироваться на память.
    0 комментариев
    2 класса
    А. С. Пушкин Перевод на ногайский язык Иса Капаев. А.С.Пушкиннен Мен эстелик ясадым оьзим оьзиме, Халк сокпагы ога йойылмас эш бир де, Ол турар Александр столптан бийик оьрде, Оьктем басы да бойсынмас эш бир ерде. Йок, мен савлай йогалмаспан оьлгенде, Яшар яным йыр шыгарган оьнерде. Сый алырман шет-кыйырсыз аьлемде, Сонда сынъар тири шайыр юрсе де. Данъкым меним шыгар буьтин орыс элде, Айтарлар атымды халклар туьрли тилде: Айтар оьктем улы славяннынъ, финн эм де Анъ тунгус та, калмык та кенъ шоьлде. Халк эсинде каларман дайым суьйдимли: Неге десенъ тувдыргаман суьюв юректе, Зорлык аьсирде шакыргаман эркинликке, Садака да берип билгемен каьрипке. О, муза, тынъла Кудай айтканына, Уьйкенсиреме, тартылма таьж боьркке, Ялганнан эм мактавдан тур эректе, Акмак пан да айкасып, бос эриспе. Ногайшага орыс тилден коьширген Иса Капаев.
    0 комментариев
    0 классов
    В Астраханском Исламском колледже прошли «Дни национальной кухни»
    0 комментариев
    3 класса
    АТА ЮРТЫМА АЛГЫС СОЬЗ Оьмиринъ оьрисли болсын, Ногайым! Озып кеткен оьмирлерде Коьплигинънен ер майыскан Ногайым! Буьгуьнде де Авылынъ тувыл иесиз, Атанъ тувыл киесиз, Ананъ тувыл аьвлетсиз, Юртынъ тувыл даьвлетсиз, Атланган куьн - атынъ калмас иерсиз! О, терен ойлы Ногайым, Кыпшак сойлы Ногайым! Яв шапса - атар огынъ бар, Дос келсе - сояр согым бар, Тентекке акыл салмага Эл аралар ойынъ бар, Булытка еткен бойынъ бар! Алтын шегин шувлаткан, Боталы туье йылаткан, Домбыранънынъ куьйи бар, Явын-шашын болганда Бас коршалар уьйинъ бар! Тоьбенъде куьмис Куьнинъ бар, Туьнинъде алтын Айынъ бар, Тоьменде емис бавынъ бар, Бав яйнтар савынъ бар, Яйлагынъда - эки коьзи кайнаган, Доьрт те туягы ойнаган, Эркин шапкан тайынъ бар! Эркинъди язып, суьйинткен Эл куванткан тойынъ бар! О, кайратынъ каты тасты ярган, Ногайым! Яв атса - огы теспеген, Явдынъ кылышы кеспеген, Елкенъди ер мен тенъ этип Есирге бир де туьспеген, Сувга атса - батпаган, Отка салса - янмаган, О. меним оьктем Ногайым!, О меним оьзден Ногайым! Ылав аттынъ басындай Юрегинъ сенинъ тувлаган, Эр билегинъ элден душпанды кувлаган, Юрегинъ оттай лавлаган, - Элим-ав! - энъиреп тувган Ногайсынъ, - Юртым-ав! - деп йырлап турган  Ногайсынъ. О, берекетли Ногайым! Шоьрегинъ-тузынъ коьбейсинъ, Увылынъ-кызынъ коьбейсинъ, Ялгыздан - эгиз тувсынъ, Кынъыр тувмай - туьз тувсын, Булак сувынъ эм болсын, Юртта эки ийинин еп олтырган Яманларынъ кенъ таралмай - кем болсын! О, ийманлы Ногайым! Айыры эмшектен суьт берген, Туьн уйкысын доьрт боьлген, Бавырына басып коьтерген, Ел тийдирмей оьстирген Анадынъ ак тастарына кум ман шанъды кондырма! Он яста ок йондырган, Ат уьстине кондырган, Коьнъилинъди авлаган, Йигит этип бавлаган Атадынъ ак сакалын кызыл канга малдырма! Ата Юртынъды кас душпанга алдырма! Кас душпанынъ карсы алдынъа шыкканда - Кабагынъда кар ятсын, Кирпигинъде буз катсын, Болаттан каты тусынъ болсынъ, Кырк баьтирдей сусынъ болсын, Бувынынъда кайнап турган Эр бувынынъ куьши болсын! Эрлерге эл сакларга эп болсын, Ийне коьзиннен ок оьткерген Эр йигитинъ коьп болсын! МУРАТ АВЕЗОВ!!!
    0 комментариев
    6 классов
Фильтр
ВсёУвлечения