Предыдущая публикация
✈️ Dubay-Toshkent samolyotida janjal qilganlar ishi sudga yuborildi
16-aprel kuni Dubay shahrida Uzbekistan Airways aviakompaniyasining Toshkentga uchishga hozirlik ko‘rayotgan reysida bir janjal chiqdi. Bu haqda Transport va turizm ob’yektlarida xavfsizlik departamenti ma’lumot bergan. Samolyot eshiklari yopilib, trap olib tashlangan, lekin noqulay ob-havo sharoiti tufayli parvoz kechiktirilgan. Shu vaqtda yo‘lovchilardan biri, 1979-yilda tug‘ilgan O‘zbekiston fuqarosi baland ovozda so‘kingan va samolyot eshiklarini ochishni talab qilgan.
Uni tinchlantirishga uringan, yana bir yo‘lovchi ayol bilan mushtlashuv kelib chiqqan. Dubay aeroporti politsiyasi ikkala yo‘lovchini ham reysdan olib chiqib ketishi natijasida parvoz yana 2 soatga kechiktirildi. Boshqa reyslar jadvali ham majburiy o‘zgartirilishi aviatashuvchiga 5037 dollar miqdorida zarar keltirilgan.
Transport va turizm ob’yektlarida xavfsizlik boshqarmasi tomonidan yo‘lovchilarga nisbatan tergovga qadar tekshiruv o‘tkazilib, yetkazilgan zarar to‘liq qoplandi, ma’muriy huquqbuzarliklar to‘g‘risida bayonnomalar tuzildi va sudga yuborildi.
01:55
Следующая публикация
Нет комментариев