Кода эрзякс меремс "решать"?
Васняяк эряви варштамс-чарькодемс, кода нолдневи тевс те рузонь валось сонсь рузонь кельсэнть.
Рузонь кельсэнть те валось нолдави тевс, апак явтне, мезе марто сон сюлмазь, кодамояк тев марто, эли арсема марто. Эрьваксть саеви ансяк "решать" валось:
- решить вопрос, проблему
- решить пример, задачу
Эрзянь кельсэяк зярс "решамс" рузонь кельстэ саезь валонть нолднесть тевс вейкетьстэ, рузонь калькасо:
- "решамс" задачанть
- "решамс" кодамояк тевенть
Секскак кортамстояк те рузонь кальканть эрзятне, пек прянь апак яжа совавтыть эрзянь келенть эйс:
- Мон "решинь"
- Тон "решить"
- Сон "решась"
ды истя седе тов...
Варштасынек седе парсте, кода тевесь ашти эрзянь кельсэнть.
Эрзянь валкстнэсэ нейтяно вана кодат валт, валсюлмавкст:
- тевень теима, тевень тейма - решение
РМС. А.П. Феоктистов. с 252
Аламодо полавтсынек, киртясынек:
Тевтеима/тевтейма - решение
ЭРС,1948, с.329:
Арсемс - решить, решиться
Минь арсинек молемс - мы решили ехать/идти
Сестэ, зярдо кортамось моли кодамояк тевде, эрзянь кельсэнть улить пек вадря вариантт "мель" валонть марто:
Мон сынь/прынь мельс - я решил
Сынь прасть мельс - они решили.
Секскак эрзятненень, койсэм, эряви седе сеедьстэ кортамсто-сёрмадомсто нолдамс тевс неть валсюлмавксонь парцунтнэнь:
- Мон прынь мельс - Я решил
- Сынь састь мельс - Они решили.
Аламодо седе стака тевесь карми улеме-аштеме, зярдо "решамс" валось сюлмазь математиканть марто.
Тесэ сави эрзянь юрокс вешнемс лия вал. Ды аволь ансяк тензэ. "Задача", "пример" валтнэненьгак эряви эрзянь полавкст муемс. Те а шожда.
Эрзянь кельсэнть улить валт:
- содамс - узнать, отгадать
-содамоёвкс - загадка
Содамс содамоёвксонть. - Отгадать загадку.
Лангозост ванозь-нежедезь терявттано тееме од валт:
Ловомаёвкс - задача
Ловомкс - пример
Сестэ лиси:
Решить задачу - Содамс/арсемс ловомаёвксонть.
Решить пример - Арсемс/содамс ловомксонть.
Карман сюконямо тенк, эрзят, лия меленк кис. Сермадодо, инеськеть, эсь меленк!
Эрюш
Присоединяйтесь к ОК, чтобы посмотреть больше фото, видео и найти новых друзей.
Комментарии 6
Пример - невтема, (невтевкс)
Пример математический - ловомкс
Туи? Эли арсек лия валт. Паро?
Учан.