Ֆուտբոլային աշխարհ

Անգլիական «Մանչեսթեր Յունայթեդի» ավագ Ուեյն Ռունին պատասխանել է իր հասցեին վերջին շրջանում հնչող քննադատություններին: Ակումբի պաշտոնական կայքի հետ հարցազրույցում անգլիացի ֆուտբոլիստն ասել է. «Ինձ քննադատում են իմ ամբողջ կարիերայի ընթացքում, հատկապես վերջին շրջանում: Ես լսում եմ մարզիչներին, թիմակիցներիս եւ մտերիմներիս, բայց ոչ օտար մարդկանց, քանի որ որպես կանոն նրանց խոսքերը հերհյուրանք են: Ես խաղում եմ տարբեր դիրքերում, բայց մարզիչը հստակ ցուցում է տվել, ըստ որ պետք է խաղամ կամ հարձակման գծում կամ որպես «10 համար»: #Admin

Կատալոնական «Բարսելոնայի» հարձակվող Լուիս Սուարեսը մեկնաբանել է Մադրիդի «Աթլետիկոյի» պաշտպան Ֆիլիպե Լուիսի արարքը, ով թիմերի միջեւ կայացած հանդիպումից հետո լուսանկարել էր վնասված ոտքը եւ հրապարակել համացանցում: «Սա ֆուտբոլ է եւ այն տղամարդկանց խաղ է: Այն ինչ կատարվում է խաղադաշտում, մնում է խաղադաշտում: Չի կարելի ամեն անգամ կրկեսի վերածել այն ամենն ինչ կատարվում է: Կրկնում եմ՝ սա տղամարդկանց խաղ է», - ուրուգվայցի ֆուտբոլիստի խոսքն է մեջբերել «AS»-ը: #Admin

Լոնդոնի «Չելսիի» կիսապաշտպան Սեսկ Ֆաբրեգասը խոսել է թիմի գլխավոր մարզիչ Անտոնիո Կոնտեի եւ քիչ խաղաժամանակ ստանալու մասին: «Սա ինձ համար նոր իրավիճակ է: 13 տարիների ընթացքում, թե հավաքականում եւ թե ակումբներում ես միշտ խաղացել եմ հիմնական կազմում: Չեմ թաքցնի, որ ծանր է, բայց վերջին բանը, որ կանեի՝ հանձնվելն ու բողոքելն է: #Admin